5 ta muhim tashabbus

O‘zbekiston Respublikasi Prezidenti Sh.M.Mirziyoyev raisligida 2019-yil 19-mart kuni o‘tkazilgan videoselektor yig‘ilishining 12-sonli bayonida belgilangan vazifalar ijrosini ta’minlash maqsadida Maktabda o‘quvchilar bilan ishlashni samarali tashkil etishda madaniyat, san’at, sport, axborot texnologiyalari, kitobxonlikka qiziqish, o‘quvchilarni ijtimoiy faol hayotga jalb qilish yo‘nalishlarida 5 ta muhim tashabbusni amalga oshirishga qaratilgan.Shu munosabat bilan 2021 yil 25 -noyabr kuni 13-sonli DIMI da «Qizlarjon»nomli musobaqaga asoslangan tadbir tashkil etildi.Unda o’quvchi qizlar 3 ta shart bo’yicha 1-O’zim haqimda 2-shart Men iste’dodman 3 -shart Kim chaqqon shartlarida bellashdilar.

O’zbekiston Respublikasi Davlat bayrog’i

O’zbekiston Respublikasi Prezidenti Adminstratsiyasi hamda Vazirlar Mahkamasining 2021-yil 8-noyabrdagi 08-3231-son va 30/1-2708-son topshiriqlariga muvofiq «O’zbekiston Respublikasi Davlat bayrog’i qabul qilingan kunni keng nisonlashga tayyorgarlik ko’rish va uni o’tkazish to’g’risida»gi o’tkazilgan majlis bayonining 13-bandi, hamda O’zbekiston Respublikasi Xalq ta’limi vazirligining 2021-yil 10-noyabrdagi 06-06/3-1473-son xati ijrosini ta’minlash maqsadida joriy yilning 17-18 noyabr kunlari Mingbuloq tumani 13-sonli DIMI o’quvchilari O’zbekiston Respublikasi Davlat bayrog’i qabul qilinganligining 30-yilligi munosabati bilan «Muqaddasdir Vatan bayrog’i!» mavzusida insholar va rasmlar tanlovi hamda tadbir kechasi tashkil etishdi.Kechada mehmon Minguloq tumani «Mingbuloq»gazetasi muharriri Qosimjon Akbarov bo’ldi .

Yangi O’zbekiston va yoshlar bog’i

Mingbuloq tumani 13-sonli Davlat ixtisoslashtirilgan maktab internatida «Yangi O’zbekiston va yoshlar bog’i» tashkil qilindi. Xususan, bugun «Yashil makon» umummilliy loyihasi doirasida 13-sonli Davlat ixtisoslashtirilgan maktab internatida maktab ma’muriyati, sobiq o’quvchilar hamda ota-onalar tashabbusi bilan «Yangi O’zbekiston va yoshlar bog’i» tashkil qilindi.
«Prezidentimizning tashabbuslaridan keyin qani endi biz nima qilamiz va qanday qilib o’z xissamizni qo’shsak bo’ladi»,- deydi maktab internati direktori Karimova Feruza. Necha yillar davomida qarovsiz, suvsiz bo’lgan bu hudud bugun 500 tup mevali va manzarali ko’chatlar evaziga yashil makonga aylanmoqda. Ekilgan xar bir ko’chatga nom berib o’zimiz mas’ul bo’ldik.

UMID NIHOLLARI 2021

Maktab- internatimizda  5-9- oktabr kunlari “UMID  NIHOLLARI  2021” hamda “maktablar futbol ligasi” musobaqasi va 2-Tashabbus –  yoshlarni jismoniy chiniqtirish , ularning sport sohasida qobiliyatini namoyon qilishlari uchun zarur shart sharoitlar yaratish, vaqtini mazmunli o`tkazish maqsadida  sportning “FUTBOL” turidan 7-11-sinflar o`quvchilari o`rtasida musobaqa o`tkazildi.

Tadbir jarayonida o’sib kelayotgan yosh avlodning sog’lom turmish tarziga intilishi va sportga mehir muhabbatini oshirish, ommoviy sportni tashkil qilish va rivojlantirish maqsadida vatanga sadoqatli, kelajakka ishonchi bor barkamol va istedodli o`quvchilardan 7-11 sinflar o’rtasida har bir sinfdan 8 nafardan o’g’il bolalardan tashkil topgan o’quvchilar o`rtasida o`tkazildi. Futbol musobaqasi 5 kun  bo’lib unda o’quvchilar uzining ziyraklik, aqillilik, zehinlilik, kabi sifatlarini namoyon qildilar.

Qizg`in o`tgan musobaqadan  ko`plab  o`quvchilar  o`zlariga  zarur  bo`lgan  qimmatli  ma`lumotlarni  olishdi.  O`zlari  yo`l  qo`ygan  xato  va  kamchiliklarini  tushunib  yetishdi.  O`quvchilar  o`z  tengdoshlari  bilan  do`stlik  aloqalarini  yanada  mustahkamlashdi.

Tadbir  yakunida  ma`naviy-ma`rifiy  ishlar  bo`yicha  direktor  o`rinbosari  Bahromjon  Boqiyev  hamda  maktab  yetakchisi   Fahriddin  Kamolov lar  bellashuvdagi  1-2-3-o`rin  sohiblarini  turli  esdalik  sovg`alari va fahrli yorliq bilan  taqdirlashdilar. Bundan tashqari 20-21- oktabr kunlari bo`lib o`tgan O’zbekiston Respublikasi  Prezidentining ”Shaxmatni yanada rivojlantirish va ommaviylashtirish hamda shaxmatchilarni tayyorlash tizimini takomillashtirish chora tadbirlari to`g`risida” 2021-yil 14-yanvardagi PQ-4954-son qarori ijrosini ta`minlash maqsadida SHAXMAT sport turi bo`yicha Namangan shaxar, Davlatobod tumani 1- BO`SM ochiq birinchiligida Mingbuloq tumani jamoasining a`zosi bo`lgan maktab- internatim 7- sinf o`quvchilari Abdusalomov Abdulloh va Sharipov Hojakbarni faol ishtiroklarini aytib o`tish joyiz.

«Yashil O’zbekiston»

10-«D» sinf rahbari Oshikova Shahlo sinf soatida «Yashil O’zbekiston» mavzusida ochiq dars tashkil etdi. Mavzu asosida video va slaydlar ko’rsatib, munozara tashkil etdi.

«QADRING BALAND BO’LSIN, ONA TILIM!»

«QADRING BALAND BO’LSIN, ONA TILIM!» tadbirida 10-«D» sinf o’quvchilari tomonidan S. Ahmadning «Qorako’z majnun» asari sahnalashtirildi. Saodat kampirning nolalari tomoshabinlar tomonidan katta olqishlar bilan kutib olindi.

10-«D» sinf o’quvchisi Jo’rayeva Mukambar «O’zbek tilim, iftixorim» insholar tanlovida Respublikada faxrli 1-o’rinni oldi, esdalik sovg’asi va faxriy yorliq bilan taqdirlandi.

«Men egallagan kasb»

Mingbuloq tumani 13-DIMIga maktab-internat sobiq bitiruvchisi, Chust tumani hokimi Begzod Hamdamov tashrif buyurib, bitiruvchi 11-sinf o’quvchilari bilan «Men egallagan kasb» mavzusida davra suhbati o’tkazdi. Suhbat qiziqarli savol-javob tarzida yakunlandi.

Til bayramining 32 yilligi

13-DIMIda 20-oktabr kuni Til bayramining 32 yilligi munosabati bilan  “Qadring baland bo’lsin,ona tilim!”shiori ostida adabiy kecha va uchrashuv tashkil etildi.  Uchrashuvga viloyatimizning taniqli shoirasi   “Benazir” tahallusi bilan mashhur (Gulchehra Zokirova)  va “Mingbuloq” gazetasi muharriri Qosimjon Akbarovlar ishtirok etishdi.Bayram tadbirida iqtidorli o’quvchilarning qiziqarli chiqishlar bilan boshlanidi. Kecha  munosabati bilan o’quvchilar tomonidan mehmonlarga  har xil savollar berildi va o’quvchilar o’z savollariga javob olishdi.Iqtidorli o’quvchilarimiz adabiyotimizdagi asarlardan parchalarni sahna ko’rinishlarida mahorat bilan ko’rsatildi.Vatanni madh etuvchi kuy,qo’shiqlar  unga monand  raqs ijro etildi. Ona tilimizni e’zozlab she’rlar  o’quvchilar  tomonidan mahorat bilan aytildi.Tadbir so’ngida maktabimiz–internat direktori:Feruza Karimova  tomonidan faol ishtirok etgan o’quvchilar va ustozlar va kelgan mehmonlarga chuqur minnaddorchilik izhor etildi.Adabiy kecha ko’tarinki ruhda yakunlandi.


«UMID NIHOLLARI»

13-DIMI da o’tkazilgan «UMID NIHOLLARI» maktab futbol ligasi bo‘yicha 8″E»-Sinf o’quvchilari 7-8-sinflar o’rtasida o’tkazilgan o‘rtoqlik uchrashuvida 1-o‘rinni oldi.